Klasse Gaart, Respekt

Merci. Mais et kann een och mat Ausschnëtter a Fotoen eppes virgauckele, wat sou nit ass. z.B. Hecken, déi een nit méi geschnidde kritt, well een nit méi dru kënnt, an een awer nit un ee Radikalschnëtt denke wëll a kann, well se bewunnt si vu Fluesfénkelcher, Heckebraunellen, Roudschwänzercher a Graatschen. A well een dat richteg Geschiir nit huet.

Ah jo. Ee Bekannte vun eis, ee Belsch, sot eemol: "C'est la jungle chez vous!" Keng Aanung, ob dat ee Kompliment war, oder wat? Bei him doheem ass et op alle Fall " propper". Eng grouss Wuesfläch mat Hecken a Straicher un de Bord'en.

Ech hun well vill fier Gemengen an och privat Leit geplangt, do get et vun allem. Waat mier am Beschten gefällt sin allerdengs dei Gärt wou d'Planzen Rechter hun, daat heescht, sie dierfen an hierem typeschen Habitus wuessen an gin net veiereckeg oder ronn getrimmt. Deen Moment profiteiert net nemmen d'Flora.

Dofir hu mir ee gesonde Mix vu Gaardenzëmmere aus Carpinus, Acer campestre a Buxus, wou bannendran d'Stauden, d'Rousen an d'Annuelles bont gemëscht mam « Beikraut » wuessen dierfen a punktuell e puer Buxus-Topiairy-Insele mat Terre cuite oder Metall-Skulpturen. A vill Straicher. An de Geméisgaart mat Hochbeeter doniewent. Bei eis wunnen a bréie Villercher, mir haten alt scho mol wëll Beien am Buedem, awer och Wull- a Spitzmais, Gaardeschéifer, Mauleppen, Kéisécker an ee mol ee Fuuss, dee séch regelméisseg un de Komposteemer zervéiere komm ass. Deen ass eemol iwwerrannt gin an ass duerno, fir ze stierwe, séch ënnert eng Rosa arvensis leeë gaangen.

E Gaard fir richeg neideg ze gin, Natur pur!

Jo, mais am Moment, wou di meescht Juni-Staude verblitt sin, ass et awer nit méi grad schéin. Dat ass den Nodeel vu sou saisonale Gäärd. (schreift een dat esou?)