Jo, et ass een nit méi gewinnt, datt et sou kal gëtt, an da muss een drun denken, datt d'Baache veräisen a séier Fotoe maache fuere, soss hat ee Pech. Mais ech gesin, op déch ass Verlooss an d'Schwarz Iernz (et ass jo déi, oder awer d'Haaler- resp. d'Haupeschbaach) huet misse Modell stoen.


Wéi ëmmer: flott an uspriechend.

Wann een d'Platze kennt huet een e klenge Virdeel, an awer ass et all Kéiers aneschters, d'Luucht an d'gesamt Konstellatioun an dat fuerdert een ëmmer neess op e Neits eraus an mecht et intressant.
Merci Nico

Ech warden op méng Biller vum Waassersënneswee tëscht Eschdoerf an Ënsber, déi ech mat der neier Nikon gemaach hun. Do war d'Baach och gefruer.

Da si mer emol gespaant op d'Resultater.

Den Nico huet schon alles gesoot. Wei emmer eng Foto dei absolut Rouh ausdreckt. Faarw, Luut, Zeit, je ... chic

Och deng Äntwert freet mech, an dofir Merci gesot Tom

Du brengst ëmmer fäerdeg aus dengen Waasser/Steng closeups eng spannend Bildgestaltung erauszeschielen wéi hei de Bléckwénkel aus dem verbuergenen wéi aus enger geschützter Hiel eraus an di kaal Äislandschaft eran. Du hues et richteg gemach bei -7 eraus an d'Natur, ech haat et just bis bei de ronne Dësch gepakt

Merci Georges fir deng ganz flott Appreciatioun, dat mecht Freed.

Och wann et elo dës Kéier net geklappt huet, de Wanter ass bestëmmt nach net eriwwer.